मुंबई: रेल्वे भरती मंडळाकडून वेळोवेळी रेल्वेमधील नोकऱ्यांसाठी अधिसूचना जारी केल्या जातात. या नोकरीसाठी 10वी आणि 12वी उत्तीर्ण पदवीधर देखील अर्ज करू शकतात.
माहितीनुसार, दक्षिण रेल्वेने अलीकडेच पे मॅट्रिक्स लेव्हल 2/3 आणि लेव्हल 4/5 अंतर्गत भरतीसाठी अधिसूचना जारी केली आहे. यासाठी पात्र असणारे उमेदवार दक्षिण रेल्वे भर्ती 2022 साठी अधिकृत वेबसाइटवर 2 जानेवारी 2023 पर्यंत ऑनलाइन अर्ज करू शकतात. या पदांच्या भरतीसाठी ३ डिसेंबरपासून अर्ज प्रक्रिया सुरू झाली आहे.
तसेच, रेल्वेने जारी केलेल्या अधिसूचनेनुसार, या प्रक्रियेद्वारे, स्तर 4/5 अंतर्गत 5 पदे आणि स्तर 2/3 अंतर्गत 16 पदे भरली जातील. लेव्हल 2 वर निवडलेल्या उमेदवारांना 19900 रुपये प्रति महिना वेतन दिले जाईल.
तर, लेव्हल 3 साठी 21700 रुपये, लेव्हल 4 साठी 25500 रुपये आणि लेव्हल 5 साठी 29200 रुपये प्रति महिना पगार असेल. याशिवाय, नोकरीसाठी किमान वय 18 वर्षे आणि कमाल वय 25 वर्षे निश्चित करण्यात आले आहे.पात्र उमेदवार दक्षिण रेल्वे भरती 2022 साठी अधिकृत वेबसाइटवर 2 जानेवारी 2023 पर्यंत ऑनलाइन अर्ज करू शकतात. यासाठी 500 रुपये अर्ज शुल्क जमा करावे लागेल.
दरम्यान, अधिक तपशीलांसाठी तुम्ही अधिकृत वेबसाइट देखील तपासू शकता.
