Latest Marathi News

BREAKING NEWS

प्रेयसीने लग्न करण्यासाठी नकार दिल्याने तरुणाने पेटवून घेऊन आत्महत्या

0 65

पुणे  : तरुणीने बलात्काराचा खोटा गुन्हा दाखल केल्याने प्रियकराने पोलिस ठाण्याच्या आवारात पेटवून घेतले. ही घटना २ डिसेंबरच्या रात्री भोसरी पोलिस ठाणे येथे घडली. तरुणाचा उपचारादरम्यान ५ डिसेंबरला मृत्यू झाला. याप्रकरणी प्रेयसीसह तिची आई व भावावर गुन्हा दाखल केला आहे.

बालाजी कल्याण शेडापे (वय २४, रा. विठ्ठलनगर, लांडेवाडी) असे मृत्यू झालेल्या तरुणाचे नाव असून, त्याचे वडील कल्याण शेडापे (वय ५६) यांनी भोसरी पोलिस ठाण्यात याविषयीची फिर्याद दिली आहे. पोलिसांनी दिलेल्या माहितीनुसार, मृत बालाजी याचे १९ वर्षीय आरोपी मुलीशी प्रेमसंबंध होते. आत्तापर्यंत शिक्षण व इतर खर्चासाठी त्याने तिच्यावर सव्वादोन लाख रुपये खर्च केले होते.

Manganga

मात्र, दरम्यानच्या काळात त्यांच्यात खटके उडाल्याने संबंधित मुलीने लग्नास नकार दिला. तसेच आरोपींनी आपापसात संगनमत करून बालाजीच्या विरोधात बलात्कार व छेडछाडीचा खोटा गुन्हा दाखल केला. या त्रासाला कंटाळून बालाजीने २ डिसेंबरच्या रात्री पोलिस ठाण्याच्या आवारात पेटवून घेतले.

Leave A Reply

Your email address will not be published.

error: Content is protected !!