Latest Marathi News

BREAKING NEWS

मंत्री मंडळाच्या बैठकीत उद्धव ठाकरे यांनी घेतले ‘हे’ दहा महत्वाचे निर्णय!

0 510

मुंबई : शिंदे गट आणि ठाकरे सरकारमध्ये जोरदार सत्तासंघर्ष सुरु असून महाविकास आघाडीच्या गोटात महत्वाच्या बैठका घेतल्या जात आहेत. ठाकरे सरकारने आज २९ जूनला घेतलेल्या मंत्री मंडळाच्या बैठकीत दहा महत्वाचे निर्णय घेतले आहेत. गेल्या अनेक दिवसांपासून औरंगाबादचे नामांतर संभाजीनगर करावे, या मागणीने जोर धरला होता. राज्य सरकारने अखेर आज झालेल्या बैठकीत औरंगाबादचे नामांतर संभाजीनगर करण्याच्या प्रस्तावाला मंजूरी दिली. याचसोबत अन्य विभागाशी संबंधीत असलेले महत्वाच्या नऊ प्रस्तावांनाही हिरवा कंदील दाखवला आहे.

आज २९ जून २०२२ मंत्रिमंडळ बैठकीतील महत्त्वाचे निर्णय खालीलप्रमाणे:
• औरंगाबाद शहराच्या “संभाजीनगर” नामकरणास मान्यता.
(सामान्य प्रशासन विभाग)
• उस्मानाबाद शहराच्या “धाराशीव” नामकरणास मान्यता. (सामान्य प्रशासन विभाग)
• नवी मुंबई आंतरराष्ट्रीय विमानतळाचे लोकनेते स्वर्गीय दि.बा.पाटील आंतरराष्ट्रीय विमानतळ या नामकरणास मान्यता.
(नगर विकास विभाग)
• राज्यासाठी हळद संशोधन व प्रक्रिया धोरण लागू करणार. हिंगोली जिल्ह्यात मा. बाळासाहेब ठाकरे हरिद्रा (हळद) संशोधन व प्रशिक्षण केंद्र स्थापन करणार. (कृषि विभाग)
• कर्जत (जि. अहमदनगर) येथे दिवाणी न्यायाधीश (वरिष्ठ स्तर) न्यायालय स्थापन करणार
(विधि व न्याय विभाग)
• अहमदनगर – बीड – परळी वैजनाथ या नवीन रेल्वे मार्ग प्रकल्पाच्या सुधारित खर्चास मान्यता व त्यासाठी राज्य शासनाचा हिस्सा देणार
(परिवहन विभाग)
• ग्रामीण भागातील विशेष मागास प्रवर्ग आणि इतर मागास प्रवर्गासाठी क्रांतीज्योती सावित्रीबाई फुले घरकुल योजना राबवणार.
(इतर मागास बहुजन कल्याण विभाग)
• विदर्भ विकास मंडळ, मराठवाडा विकास मंडळ व उर्वरित महाराष्ट्र विकास मंडळ ही विकास मंडळे पुनर्गठीत करण्याचा निर्णय.
(नियोजन विभाग)
• निवड झालेल्या परंतु मराठा आरक्षण रद्द झाल्याने नियुक्ती न मिळालेल्या एसईबीसी उमेदवारांकरिता अधिसंख्य पदे निर्माण करण्यासाठी विधेयक मांडण्याचा निर्णय
( सामान्य प्रशासन विभाग)
• शासन अधिसुचना ८ मार्च २०१९ अनुसार आकारावयाच्या अधिमुल्याची रक्कम भरण्याच्या कालावधीस मुदतवाढ देण्याचा निर्णय.
(महसूल विभाग)

Manganga
Leave A Reply

Your email address will not be published.

error: Content is protected !!